Pucin admaŭlajecca ad pieramovaŭ da poŭnaha zachopu Danbasa
Rasija bolš nie źbirajecca viartać Ukrainie častku akupavanych terytoryj u miežach luboha pahadnieńnia ab spynieńni vajny i maje namier zachavać zaniatyja rajony Sumskaj i Charkaŭskaj abłaściej u jakaści bufiernaj zony, piša Bloomberg sa spasyłkaj na krynicy, blizkija da Kramla.
Fota: Alexander Kazakov, Sputnik, Kremlin Pool Photo via AP
Pavodle ich słoŭ, Uładzimir Pucin pa-raniejšamu maje namier zachapić uvieś Danbas i ličyć, što pieramovy mohuć adnavicca tolki paśla dasiahnieńnia hetaj mety.
Ministerstva abarony Rasii zapeŭniła prezidenta, što atrymaje poŭny kantrol nad astatniaj častkaj Danieckaj vobłaści da kanca hoda, udakładniŭ adzin sa surazmoŭcaŭ ahienctva. Adnak krynica, blizkaja da rasijskaha vajennaha viedamstva, nazvała hety termin zanadta aptymistyčnym i zajaviła, što mnohija vajskoŭcy ličać bolš realistyčnym zaviaršeńnie apieracyi tolki ŭ 2027 hodzie.
Pavodle źviestak krynic, Pucin admoviŭsia ad raniejšaj idei terytaryjalnaha abmienu paśla taho, jak vyrašyŭ, što niefarmalnyja damoŭlenaści, dasiahnutyja z prezidentam ZŠA Donaldam Trampam na samicie na Alascy ŭ žniŭni 2025 hoda, bolš nie dziejničajuć.
Rasijski bok śćviardžaŭ, što Ukraina pavinna była admovicca ad Danbasa ŭ abmien na viartańnie akupavanych rajonaŭ Sumskaj i Charkaŭskaj abłaściej. U Vašynhtonie isnavańnie takich damoŭlenaściaŭ admaŭlali.
Dadatkovym faktaram stała rašeńnie Trampa padtrymać zakonaprajekt ab uviadzieńni pošlin da 100% u dačynieńni da piaci najbujniejšych pakupnikoŭ rasijskaj nafty i hazu.
Taksama na ŭzmacnieńnie pazicyi Kramla paŭpłyvali ŭkrainskija ŭdary pa naftapierapracoŭčych zavodach, jakija pryviali da paliŭnaha kryzisu, dadali krynicy.