Łatvijskija vajskoŭcy na biełaruskaj miažy prymianili ślozaciečny haz
Učora była zafiksavana sproba niezakonnaha pierasiačeńnia łatvijskaj miažy hrupaj ź piaci čałaviek, piša Delfi.lv.
Fota: Alexander Welscher/picture alliance via Getty Images
«Zaŭvažyŭšy vajskoŭcaŭ, hetyja ludzi pačali pavodzić siabie ahresiŭna, stali kidać u sałdat abrezki biarvieńnia. Kab spynić supraćpraŭnyja dziejańni i praduchilić dalejšuju eskałacyju situacyi, vajskoŭcy prymianili ślozaciečny haz. Pakolki parušalniki praciahvali ihnaravać zakonnyja patrabavańni ŭładaŭ i zachoŭvali ahresiŭnyja pavodziny, byŭ zrobleny adzin papieradžalny streł u pavietra, paśla čaho jany adstupili na terytoryju Biełarusi», — zajavili ŭ Nacyjanalnych uzbrojenych siłach.
Pradstaŭniki Łatvijskaj armii zajavili, što heta jašče adzin prykład vykarystańnia nielehalnaj mihracyi jak instrumienta hibrydnaj vajny i naŭmysnaj pravakacyi suprać Łatvii i inšych krain ES i NATA, jakija majuć źniešnija miežy.