Ź biełaruskich šachmatystaŭ źniali ŭsie abmiežavańni
Mižnarodnaja šachmatnaja fiederacyja (FIDE) admianiła ŭsie abmiežavańni, jakija raniej dziejničali ŭ dačynieńni da Biełaruskaj šachmatnaj fiederacyi.
Fota: magnific.com
Adpaviednaje rašeńnie pryniała Rada FIDE. Pavodle paviedamleńnia arhanizacyi, jano nabyło moc adrazu paśla pryniaćcia i zasnavana na rekamiendacyjach Mižnarodnaha alimpijskaha kamiteta.
Ciapier biełaruskija šachmatysty znoŭ zmohuć udzielničać u turnirach pad dziaržaŭnym ściaham i z vykarystańniem dziaržaŭnaha himna.
Abmiežavańni byli ŭviedzienyja ŭ 2022 hodzie, paśla pačatku poŭnamaštabnaj vajny Rasii suprać Ukrainy pry padtrymcy režymu Łukašenki. Tady FIDE zabaraniła biełaruskim i rasijskim spartsmienam udzielničać u mižnarodnych spabornictvach, a taksama pravodzić mižnarodnyja šachmatnyja turniry na terytoryi svaich krain. Paźniej fiederacyja źmiakčyła hetyja miery i dazvoliła šachmatystam vystupać u asabistych turnirach u niejtralnym statusie.
Paśla novaha rašeńnia ŭsie abmiežavańni ŭ dačynieńni da biełaruskaj šachmatnaj fiederacyi skasavanyja.
Čytajcie taksama:
Biełaruskich handbalistaŭ viartajuć na mižnarodnyja spabornictvy
MAK źniaŭ rekamiendacyi ab adchileńni Rasii ad mižnarodnych spartyŭnych spabornictvaŭ