Siłaviki stali bolš manitoryć tyktok i treds
«Užo jość fakty pryciahnieńnia da kryminalnaj adkaznaści za publikacyi».
Skrynšot STB
Śledčy kamitet uzmacniŭ kantrol za kantentam u Threads i TikTok, paviedamiŭ na STB aficyjny pradstaŭnik SK Alaksandr Suchadolski.
«Užo jość fakty pryciahnieńnia da kryminalnaj adkaznaści za publikacyi — heta raspalvańnie sacyjalnaj varožaści i varažniečy, zahadzia iłžyvyja paviedamleńni ab niebiaśpiecy», — adznačyŭ Suchadolski.
U jakaści prykładu fejku jon zhadaŭ post pra toje, što z akna BNTU nibyta vypaŭ i raźbiŭsia naśmierć student. Nieŭzabavie hety ananimny post byŭ vydaleny, a sama infarmacyja nie paćvierdziłasia (vyśvietliłasia, što tam na vulicy stała kiepska 60‑hadovamu mužčynu, jaho nie zmahli ŭratavać). Aŭtara, jak možna mierkavać, nie znajšli.