U akupavanym Maryupali paśla ataki dronaŭ zahareŭsia skład z palivam
Vierahodna, paśla ataki dronaŭ, zaharelisia haruča-zmazačnyja materyjały.
U horadzie Maryupali na akupavanaj častcy Danieckaj vobłaści adbyŭsia bujny pažar paśla atak ukrainskich dronaŭ. Kadry z uzharańniem i vializnym słupam čornaha dymu publikujuć miascovyja pabliki.
Pažar uźnik na vulicy Tapalinaj u paŭnočnaj častcy horada. Prajezd pa vulicy pierakryty. Vierahodna, zahareŭsia bienzavoz abo «niešta bolš surjoznaje», pišuć u sacyjalnych sietkach.
Ukrainski kanał Exilenova+ piša, što ŭ Maryupali, vierahodna, paśla ataki dronaŭ, zaharelisia haruča-zmazačnyja materyjały.
Vajenny ahladalnik Jan Maćviejeŭ taksama miarkuje, što ŭ horadzie, «miarkujučy pa dymie», moh zaharecca skład z palivam.
Kiraŭnik ukrainskaha Centra vyvučeńnia akupacyi Piotr Andruščenka zajaviŭ u Telegram-kanale, što Maryupal atakavali bieśpiłotniki USU.