Zbornaja Ispanii paśla čempijanatu śvietu ŭznačalvaje rejtynh FIFA

Adrazu paśla zakančeńnia čempijanatu śvietu FIFA apublikavała abnoŭleny rejtynh zbornych śvietu. Jaho ŭznačalvajuć pieramožcy mundyjalu ispancy, a zbornaja Biełarusi zachavała svaju pazicyju naprykancy pieršaj sotni.

Zbornaja Ispanii z tolki što zavajavanym Kubkam śvietu. Fota: AP

Pieršaje miesca ŭ rejtynhu zajmaje zbornaja Ispanii, druhaja pazicyja ŭ Arhienciny, treciaja — u Francyi. Dalej iduć kamandy Anhlii, Brazilii, Maroka, Partuhalii, Bielhii, Niderłandaŭ i Mieksiki. 

Najbolšy prahres za apošni pieryjad pakazała kamanda Narviehii. Jana padniałasia adrazu na 12 miescaŭ — z 31‑j pazicyi na 19-ju. A voś zbornaja Tunisa značna pahoršyła svajo stanovišča. Paśla niaŭdałych vystupaŭ na čempijanacie śvietu kamanda apuściłasia z 45‑ha miesca na 57-je.

Kamanda Biełarusi nie pravodziła matčaŭ, tamu zastałasia na 96‑m miescy ŭ suśvietnym śpisie. Jana znachodzicca pamiž zbornymi Paleściny i Hvatemały.

Z našych susiedziaŭ najvyšejšaja pazicyja ŭ kamandy Ukrainy — 33-ja. Zbornaja Rasii zajmaje 35‑ie miesca, Polščy — 36-je, Łatvii — 137-je, Litvy — 149-je.

Nastupny raz rejtynh Mižnarodnaj fiederacyi futboła pavinien być abnoŭleny 7 kastryčnika.

Kamientary da artykuła