Były kiraŭnik Salihorska, jaki ledź uratavaŭsia ad turmy, robić karjeru ŭ sistemie Minharvykankama
47‑hadovy Aleh Paskrobka ŭznačaliŭ novuju dziaržaŭnuju arhanizacyju — Raźlikova-infarmacyjny centr Minharvykankama.
Aleh Paskrobka
Niadaŭna stvoranaje pradpryjemstva «Raźlikova-infarmacyjny centr Minharvykankama» ŭznačaliŭ 47‑hadovy čynoŭnik Aleh Paskrobka.
Raźlikova-infarmacyjny centr Minharvykankama źjaviŭsia ŭ červieni 2026 hoda, jon abjadnaŭ u sabie Adziny raźlikova-daviedačny centr Minska (jakim raniej kiravaŭ Paskrobka) i słužbu 115.bieł. Novaja arhanizacyja naličvaje płatu za kamunalnyja pasłuhi, a taksama rehistruje hramadzian.
Aleh Paskrobka naradziŭsia ŭ 1979 hodzie ŭ Pružanach. Skončyŭ Biełaruski dziaržaŭny technałahičny ŭniviersitet. Paskrobka ŭznačalvaŭ Centralny rajon Minska, u 2015‑2017 byŭ pieršym namieśnikam ministra ŽKH, a potym staŭ staršynioj Salihorskaha rajvykankama.
U červieni 2019 hoda Paskrobku zatrymali za karupcyjnaje złačynstva, ździejśnienaje padčas pracy ŭ ministerstvie ŽKH. Zaviali spravu za pieravyšeńnie słužbovych paŭnamoctvaŭ, a samoha čynoŭnika adpravili pad chatni aryšt.
Jak raskazaŭ Belpol, Paskrobku tak i nie asudzili. Čynoŭnik pryznaŭ vinu i adkupiŭsia ŭ kratnym pamiery ŭ adpaviednaści z artykułam 88‑1 Kryminalnaha kodeksa Biełarusi. U listapadzie 2020 hoda kryminalnuju spravu zakryli.