Akreśliłasia koła mahčymych supiernikaŭ, jakija mohuć trapicca biełaruskim kłubam u trecim raŭndzie kvalifikacyi Lihi kanfierencyj
Matčy druhoha raŭndu startujuć tolki zaŭtra, ale siońnia projdzie losavańnie treciaha raŭndu.
Fota: Uefa.com
Nahadajem, što čempijon Biełarusi «MŁ Viciebsk» vybyŭ z kvalifikacyi Lihi čempijonaŭ, ale praciahnie baraćbu ŭ Lizie kanfierencyj, jaho supiernikam budzie čarnahorskaja «Sućjeska». Minskaje «Dynama» zhulaje z azierbajdžanskim «Nieftčy», a BATE sa šviejcarskim «Śjonam».
Napiaredadni losavańnia, jakoje projdzie siońnia a 15-j, UEFA raźbiła kłuby na mini-hrupy, i supierniki mohuć trapicca z hetaha koła.
Tak pieramožca dvuboju «MŁ Viciebsk» — «Sućjeska» zhulaje ź pieramožcam paraŭ «Fłaryjana» (Malta) — «Dryta» (Kosava) abo «Borac» (Bośnija) — «Pietrakub» (Małdova).
BATE, kali projdzie šviejcarski «Śjon», zhulaje ź pieramožcam adnoj z nastupnych paraŭ:
- «Zimbru» (Małdova) — «Noa» (Armienija)
- «Partyzan» (Białhrad, Sierbija) — «Strasen» (Luksiemburh)
- «Univiersitacia» (Kłuž, Rumynija) — «Bran» (Narviehija)
- «Chapael» (Tel-Aviŭ, Izrail) — «Łudahorac» (Bałharyja)
Minskaje «Dynama», kali projdzie «Nieftčy», z adnym ź pieramožcaŭ paraŭ:
- «Žaleźničar» (Sierbija) — «Braha» (Partuhalija)
- «Pakš» (Vienhryja) — «Panacinaikas» (Hrecyja)
- «Łuhana» (Šviejcaryja) — «Dukadžyni» (Kosava)
- AJEK (Łarnaka, Kipr) — «Biejtar» (Ijerusalim Izrail)
Dakładnaja para supiernikaŭ vyznačycca siońnia a 15-j.
Matčy 2‑ha raŭndu projduć 22‑23 i 29‑30 lipienia, treciaha raŭndu — 6 i 13 žniŭnia. Kab trapić u asnoŭny raŭnd jeŭrakubkaŭ, treba prajści nie tolki treci raŭnd, ale i čaćviorty tak zvany płej-of kvalifikacyi.