Biełarusy stali haściami na šou Urhanta
Pa słovach Vadzima i Alesi Klučnikaŭ (Kiej), na scenu jany trapili «ŭ pierapynku pamiž pierajezdam, zaliŭkaj padmurka i mantažom kanalizacyi ŭ svajoj kincie».
Siamja Klučnikaŭ razam ź Ivanam Urhantam. Fota: vadimalesya_key / Instagram
Paśla pačatku poŭnamaštabnaj vajny va Ukrainie Ivan Urhant apublikavaŭ u Instagram čorny kvadrat sa słovami: «Strach i bol. NIE VAJNIE». Paśla hetaha jahonaje telešou «Viečiernij Urhant» źnikła z efiru Pieršaha kanała.
Ciapier viadoŭca hastraluje za miažoj z kancertnaj viersijaj svajho prajekta pad nazvaj «Živoj Urhant». Hety prajekt jon zapuściŭ u krasaviku 2025 hoda (sam jon, jak pisali ŚMI, praciahvaje žyć u Rasii i vystupaje tam na dniach narodzinaŭ i viasiellach). 17 lipienia hetaha hoda šou adbyłosia ŭ Lisabonie (Partuhalija).
Adnymi z haściej na scenie stali biełarusy Vadzim i Alesia Klučniki — aŭtary YouTube-kanała Vadim Key, na jaki siońnia padpisanyja amal 860 tysiač čałaviek.
Pieršuju šyrokuju aŭdytoryju Klučniki sabrali ŭ 2019—2020 hadach, kali pačali publikavać videa pra budaŭnictva doma svajoj mary pad Minskam. Adnak u 2021 hodzie siamja była vymušanaja pakinuć Biełaruś. Za amal piać hadoŭ emihracyi jany źmianili 22 miescy žycharstva, pradali dom u Biełarusi, a ŭ kancy 2025 hoda nabyli ŭłasnuju nieruchomaść u Partuhalii.
Vadzim i Alesia na šou «Živoj Urhant» u Lisabonie. Fota: vadimalesya_key / Instagram
Pra ŭdzieł u šou błohiery paviedamili ŭ Instagram.
«U pierapynku pamiž pierajezdam, zaliŭkaj padmurka i mantažom kanalizacyi ŭ našaj kincie my stali haściami «Živoho Urhanta»», — napisali Klučniki.