Biełarusnafta: Deficytu paliva na AZS niama
Pra heta zajavili na pradpryjemstvie, kamientujučy infarmacyju pra nibyta ŭviadzieńnie limitu na prodaž paliva ŭ pamiežnych rehijonach, piša BiełTA.
Havorka išła pra AZS u Viciebskaj vobłaści za dva kiłamietry ad miažy z Pskoŭskaj vobłaściu, dzie nibyta nie pradajuć bolš za 20 litraŭ paliva.
Na pradpryjemstvie aficyjna zajavili, što padobnyja paviedamleńni, jakija raspaŭsiudžvajucca ŭ internecie, nie majuć padstaŭ: «Deficytu paliva na našych AZS niama».
Pry hetym na pamiežnych AZS Viciebskaj vobłaści jość adno novaŭviadzieńnie. «Jano źviazana ź nieabchodnaściu spačatku apłacić paliva, a potym zapravicca. U astatnim — usio jak zvyčajna», — padkreśliŭ namieśnik hienieralnaha dyrektara kampanii Siarhiej Kamornikaŭ.