Za prodaž praterminavanych tavaraŭ chočuć pastrožyć adkaznaść
Ministerstva antymanapolnaha rehulavańnia i handlu razhladaje mahčymaść uzmacnieńnia adkaznaści dla mahazinaŭ, u jakich sistematyčna vyjaŭlajuć tavary ź minułym terminam prydatnaści. Adpaviednyja prapanovy daručana padrychtavać terytaryjalnym orhanam MARH.
U viedamstvie tłumačać inicyjatyvu tym, što prodaž praterminavanaj pradukcyi zastajecca adnym z samych raspaŭsiudžanych parušeńniaŭ u śfiery handlu i moža ŭjaŭlać pahrozu dla zdaroŭja pakupnikoŭ. Siarod inšych častych parušeńniaŭ — adsutnaść abaviazkovaha asartymientu tavaraŭ.
Pakul nieviadoma, jakija mienavita miery płanujuć uvieści. Ciapier za prodaž praterminavanych tavaraŭ praduhledžany štraf da 100 bazavych vieličyń (4500 rubloŭ), a taksama mahčyma prypynieńnie dziejnaści handlovaha abjekta.