RPC zaćvierdziła malitvu ŭ abaronu Kryma
U joj havorycca pra pieramohu nad «bačnym i niabačnym supastatam»
Sinod Ruskaj pravasłaŭnaj carkvy zaćvierdziŭ tekst malitvy, u jakoj Hospada i śviatych prosiać ab abaronie Kryma, pieramozie nad praciŭnikam i dapamozie rasijskaj armii, piša «Novaja hazieta Jeŭropa».
Havorka idzie pra malitvu Saboru Krymskich śviatych. U joj Hospada prosiać daravać pieramohu nad «bačnym i niabačnym supastatam», a Baharodzicu — umacavać u Krymie «pravasłaŭnaje žycharstva» i padać «ź Niabiosaŭ pieramohu».
Śviatoha Fiodara Ušakova ŭ malitvie nazyvajuć «pravadyrom mirnaha nasielnictva, zastupnikam rasijskaha fłotu i Sievastopala» i zaklikajuć na dapamohu.
Dla Rasii prosiać «ad našeścia inšaplamiennych i mižusobnaj brani aharodžu», armii — «u abaronie Ajčyny našaj paśpiachovaść», a ŭsim pravasłaŭnym chryścijanam — «u duchoŭnaj baraćbie dapamohu».