Zahareŭsia paviljon u padziemnym pierachodzie na minskaj Pryvakzalnaj płoščy
Viečaram 17 lipienia ratavalniki pracavali na miescy zadymleńnia ŭ padziemnym pierachodzie na Pryvakzalnaj płoščy ŭ Minsku. Uzharańnie adbyłosia ŭ adnym z handlovych paviljonaŭ.
Supracoŭniki MNS apieratyŭna likvidavali pažar. Paśla hetaha na miescy zdareńnia pravodziłasia prymusovaja vientylacyja padziemnaha pierachodu z dapamohaj śpiecyjalnaha abstalavańnia.
Pavodle apieratyŭnych danych, u vyniku zdareńnia nichto nie paciarpieŭ. Pryčyny ŭzharańnia vyśviatlajucca.