Abaronca zbornaj Francyi Saliba hulaŭ na čempijanacie śvietu z traŭmaj śpiny
Hulec uvieś čas byŭ na abiazbolvalnych
Momant z matča suprać Ispanii, kali na 30‑j chvilinie Saliba nie zmoh praciahnuć hulniu. Fota: Chris Brunskill/Fantasista/Getty Images
Abaronca zbornaj Francyi i łondanskaha «Arsienała» Viljam Saliba vystupaŭ na čempijanacie śvietu z surjoznaj traŭmaj chrybietnika, atrymanaj u matčy Anhlijskaj premjer-lihi, paviedamlaje RMC Sport.
U 25‑hadovaha centralnaha abaroncy prablemy sa śpinaj byli jašče da pryjezdu ŭ raźmiaščeńnie zbornaj Francyi. Na čempijanacie śvietu 2026 hoda Saliba hulaŭ, prymajučy abiazbolvalnyja preparaty. Z-za traŭmy jon prapuskaŭ častku trenirovak.
U paŭfinalnym matčy čempijanatu śvietu suprać Ispanii (0:2) francuz byŭ zamienieny na 30‑j chvilinie paśla taho, jak nie zmoh praciahnuć hulniu praz bol u śpinie.
Pavodle papiaredniaj infarmacyi, abaroncu spatrebicca apieracyja, z-za jakoj jon prapuścić ad čatyroch da piaci miesiacaŭ.