BPC abaviazali zaŭsiody zhadvać u svajoj naźvie pra Maskoŭski patryjarchat

Śviaščenny sinod Ruskaj pravasłaŭnaj carkvy zaćvierdziŭ źmieny ŭ aficyjnaj naźvie Biełaruskaj pravasłaŭnaj carkvy. Ciapier u jurydyčnych dakumientach, na aficyjnym sajcie i ŭ inšych aficyjnych materyjałach pavinna vykarystoŭvacca poŭnaja nazva: «Biełaruskaja pravasłaŭnaja carkva (Biełaruski ekzarchat Maskoŭskaha patryjarchatu)».

Kiraŭnik BPC mitrapalit Vienijamin z radykalna prarasijskaj nastajacielnicaj Śviata-Rastva-Baharodzickaha staŭrapihijnaha žanočaha manastyra ŭ Hrodnie. Fota: church.by

Adpaviednaje rašeńnie było pryniata paśla taho, jak Śviaščenny sinod Biełaruskaha ekzarchata 30 červienia 2026 hoda ŭchvaliŭ źmianieńni ŭ statut respublikanskaha abjadnańnia «Biełaruskaja pravasłaŭnaja carkva». Hetyja źmieny byli zaćvierdžanyja Śviaščennym sinodam Ruskaj pravasłaŭnaj carkvy.

U RPC adznačyli, što nieabchodnaść zhadvańnia Maskoŭskaha patryjarchatu ŭ aficyjnaj naźvie była vyznačanaja jašče rašeńniem Śviaščennaha sinoda ad 24 lipienia 2025 hoda.

Zhodna z hetym rašeńniem, patrabavańnie raspaŭsiudžvajecca na ŭsie jurydyčnyja nazvy, aficyjnyja internet-resursy, dakumienty, a taksama nazvy ŭnutranych kananičnych struktur Biełaruskaj pravasłaŭnaj carkvy.

Biełaruski ekzarchat byŭ stvorany ŭ 1989 hodzie. U vieraśni 2024 hoda respublikanskaje abjadnańnie «Biełaruskaja pravasłaŭnaja carkva» prajšło dziaržaŭnuju pierarehistracyju.

Kamientary da artykuła