Pierapynak u finale čempijanatu śvietu budzie doŭžycca 30 chvilin

FIFA płanuje pavialičyć praciahłaść pierapynku ŭ finalnym matčy čempijanatu śvietu-2026 da 30 chvilin. Pierapynak pamiž tajmami zaŭsiody składaje 15 chvilin.

Stadyjon «Mietłajf» u Ist-Ruterfordzie, za im na dalahladzie — Ńju-Jork. Fota: Seth Wenig / AP

Źmieny nieabchodnyja dla praviadzieńnia maštabnaha 11‑chvilinnaha muzyčnaha šou ŭ styli amierykanskaha Supierbouła, paviedamlaje The Telegraph.

Kurataram vystupu pryznačany lidar hurta Coldplay Krys Marcin.

Na scenie stadyjona «Mietłajf» u Ist-Ruterfordzie, što la Ńju-Jorka, vystupiać Madonna, Šakira, BTS i Džaścin Bibier.

Taksama ŭ kancertnuju prahramu intehravanyja vystupy nihieryjskaha śpievaka Burna Boy, vieniesuelskaha dyryžora Hustava Dudamiela, školnaha choru PS22 Chorus i piersanažaŭ dziciačych pieradač «Vulica Siezam» i «Mapiet-šou».

Akramia hetaha, za paŭtary hadziny da startavaha śvistka pačniecca cyrymonija zakryćcia turniru. U joj prymuć udzieł Robi Uiljams, Nikol Šerzinhier i akcior Tom Kruz. 

Finał čempijanatu śvietu pačniecca a 22‑j u niadzielu pa biełaruskim časie. U im zhulajuć Arhiencina i Ispanija.

U matčy za 3‑ie miesca 22 hadzinami raniej zhulajuć Francyja i Anhlija (00:00, niadziela).

Kamientary da artykuła