Kłub, ź jakim zhulaje «MŁ Viciebsk» u Lizie kanfierencyj, nazvany ŭ honar vialikaj bitvy Druhoj suśvietnaj
Učora «MŁ Viciebsk» vybyŭ z kvalifikacyi Lihi čempijonaŭ u pieršym raŭndzie, prajhraŭšy rumynskaj «Univiersitacie» ŭ dvuch matčach (1:4, 0:1). Čempijon Biełarusi praciahnie hulać u jeŭrakubkach, adpraviŭšysia ŭ druhi kvalifikacyjny raŭnd Lihi kanfierencyj.
Fota: FK «Sućjeska»
Jaho supiernikam budzie šaścirazovy čempijon Čarnahoryi «Sućjeska», jakaja taksama vyjhrała pieršynstvo krainy i sioleta.
Matčy druhoha raŭndu projduć 23 i 30 lipienia.
«Sućjeska» bazujecca ŭ horadzie Nikšyč i nazvanaja ŭ pamiać pra juhasłaŭskich kamunistyčnych partyzan, što zahinuli ŭ bitvie pry race Sućjeska padčas Druhoj suśvietnaj vajny. Raka znachodzicca na terytoryi sučasnaj Bośnii i Hiercahaviny.
Bitva na Sućjescy adbyvałasia miesiac, z 15 maja pa 15 červienia 1943 hoda i stała stała kulminacyjaj Narodna-vyzvalenčaj vajny ŭ Juhasłavii i taksama najbujniejšaj, a taksama samaj krovapralitnaj partyzanskaj bitvaj Druhoj suśvietnaj vajny ŭ Jeŭropie.
Ź juhasłaŭskaha boku ŭ bitvie ŭdzielničali čatyry dyvizii ahulnaj kolkaściu kala 22 tysiač čałaviek, u tym liku prykładna 4 tysiačy chvorych i paranienych. Heta byli sierby, čarnahorcy, charvaty-partyzany.
Ź niamieckaha boku byli zadziejničany hiermanskija, italjanskija, charvackija ustašska-damabranskija (vajskovyja i militarnyja farmavańni Niezaležnaj Dziaržavy Charvatyja) i bałharskija vojski, pa roznych acenkach ad 90 da 127 tysiač čałaviek.
U vyniku bitvy Narodna-vyzvolnaja armija Juhasłavii pierałamała chod vajny ŭ krainie, inicyjatyva pierajšła da partyzan.
Ahulnyja straty partyzan skłali 7500 čałaviek, niemcaŭ, italjancaŭ, charvataŭ-damabranaŭ i bałharaŭ — kala 5500 čałaviek.
U honar pra bitvu byli napisana niekalki knih i źniata niekalki filmaŭ.
Partyzany pry Sućjescy, fota Wikimedia Commons