Biełaruskich handbalistaŭ viartajuć na mižnarodnyja spabornictvy
Mižnarodnaja fiederacyja handboła (IHF) pryniała rašeńnie poŭnaściu adnavić udzieł zbornych, aficyjnych pradstaŭnikoŭ, sudździaŭ, vykładčykaŭ i ekśpiertaŭ ź Biełarusi i Rasii va ŭsich svaich spabornictvach i mierapryjemstvach. Rašeńnie ŭstupiła ŭ siłu nieadkładna i pryniata ŭ adpaviednaści z apošnimi rekamiendacyjami Mižnarodnaha alimpijskaha kamiteta.
Fota: magnific.com
U IHF pryznali, što poŭnaja reintehracyja moža zaniać peŭny čas, adnak vykazali hatoŭnaść viarnuć biełaruskija i rasijskija kamandy ŭ mižnarodnuju handbolnuju supolnaść.
Fiederacyja adznačyła, što praces viartańnia adbyvaŭsia pastupova. U sakaviku 2026 hoda junackim zbornym Biełarusi i Rasii dazvolili ŭdzielničać u tavaryskich matčach i turnirach pry ŭmovie paćviardžeńnia adsutnaści suviaziaŭ z vajskovymi abo siłavymi strukturami. U mai była ŭchvalena mahčymaść nadańnia śpiecyjalnaha zaprašeńnia biełaruskim abo rasijskim kamandam na asobnyja junackija mižnarodnyja turniry.
Pierad viartańniem biełaruskich i rasijskich spartsmienaŭ da mižnarodnych turniraŭ IHF razam ź Mižnarodnym ahienctvam pa testavańni zabiaśpiečyć vykanańnie ŭsich patrabavańniaŭ u śfiery antydopinhavaha kantrolu. Pry hetym dadatkovyja ŭmovy abo abmiežavańni dla ŭdziełu prymianiacca nie buduć.
Čytajcie taksama:
MAK źniaŭ rekamiendacyi ab adchileńni Rasii ad mižnarodnych spartyŭnych spabornictvaŭ
Jašče adna mižnarodnaja fiederacyja źniała abmiežavańni ź biełarusaŭ
Znakamity handbolny trenier Spartak Miranovič raskazaŭ, jak jamu patelefanali machlary