Unučka Łukašenki budzie vučycca na metavym
Stała viadoma, u jakuju VNU pastupiła dačka Viktara Łukašenki Valeryja
Valeryja ŭ pieršym šerahu ŭ biełaj spadnicy. Archiŭnaje fota: president.gov.by
Repietytarka pachvaliłasia ŭ Threads pośpiechami svaich vučniaŭ, što pastupili na metavaje navučańnie ŭ miedyčnyja ŭniviersitety krainy.
U adnym sa śpisaŭ pobač ź imiem vyznačanaj žančynaju abituryjentki niečakana znajšłosia proźvišča Valeryi Łukašenka, zaŭvažyŭ «Biełsat».
Valeryi, małodšaj dačce Viktara i Lilii Łukašenak, ciapier 17 hadoŭ. Sioleta jana jakraz pavinna zakančvać škołu.
Takim čynam, Valeryja budzie znachodzicca na metavym navučańni ŭ Biełaruskim dziaržaŭnym miedyčnym univiersitecie. Metavaje navučańnie — heta kali abituryjent pastupaje asobnym konkursam, ale paśla musić adpracavać minimum 5 hadoŭ va ŭstanovie, što dała nakiravańnie.
Kab pastupić u mieduniviersitet na «metavaje», treba zdać adzin vusny ekzamien pa bijałohii, da jaho dadajecca bał atestatu. Va ŭnučki Łukašenki bały maksimalnyja (200).