Bałharyja abviaściła pra vychad z «kaalicyi achvočych», jakaja padtrymlivaje Ukrainu
«My nie ŭdzielničajem u kaalicyi, jakaja nastojvaje na praciahnieńni finansavaj i vajskovaj dapamohi Ukrainie», — zajaviŭ 14 lipienia premjer-ministr Rumien Radzieŭ, piša Bloomberg.
Rumien Radzieŭ. Fota: AP Photo/Sergei Grits
«Vyrašeńnie hetaha kanfliktu zaklučajecca nie ŭ jaho zaciahvańni vajskovymi srodkami, a ŭ mocnaj dypłamatyčnaj misii, jakaja narešcie pakładzie kaniec eskałacyi», — adznačyŭ premjer-ministr Bałharyi.
Pradstaŭniki Bałharyi nie ŭdzielničali ŭ sustrečy kiraŭnikoŭ krain — udzielnic «kaalicyi achvočych», jakaja adbyłasia ŭ Paryžy 13 lipienia, choć brali ŭdzieł u papiarednich samitach.