Ukrainskija vajskoŭcy ŭpieršyniu pryniali ŭdzieł u paradzie da Dnia ŭziaćcia Bastylii ŭ Paryžy
U Paryžy prajšoŭ štohadovy vajskovy parad z nahody Dnia ŭziaćcia Bastylii. Sioleta na Jelisiejskich palach upieršyniu maršyravali ŭkrainskija vajskoŭcy, a ŭ niebie nad francuzskaj stalicaj pralacieli ŭkrainskija piłoty, piša «Suśpilnie».
Fota: AP Photo / Michel Euler
Naziemnuju častku parada adkryli kala 500 vajskoŭcaŭ z krain-členaŭ «Kaalicyi achvotnych», jakaja padtrymlivaje Ukrainu ŭ vajnie.
Mienavita ŭ składzie hetaha abjadnańnia ŭkrainskija sałdaty ŭpieršyniu prajšli maršam pa hałoŭnym praśpiekcie Paryža.
Adnačasova z hetym u avijašoŭ pryniali ŭdzieł piłoty Pavietranych sił ZSU. Jany pralacieli nad Paryžam na francuzskich źniščalnikach Mirage u składzie Nacyjanalnaj piłatažnaj hrupy Pavietrana-kaśmičnych sił Francyi.
Ciapier ukrainskija lotčyki prachodziać navučańnie na hetych samalotach.
Za paradam nazirali prezident Francyi Emanuel Makron, a taksama kala 30 kiraŭnikoŭ dziaržaŭ i ŭradaŭ. Siarod zaprošanych haściej na trybunach prysutničali prezident Ukrainy Uładzimir Zialenski i pieršaja łedzi Alena Zialenskaja.