Cichanoŭskaja padtrymała hramadskuju inicyjatyvu ŭstalavańnia bieł-čyrvona-biełaha ściaha na Hrunvaldskim poli
Śviatłana Cichanoŭskaja nakiravała listy Maršałku Varminska-Mazurskaha vajavodstva i kiraŭnictvu Muzieja Hrunvaldskaj bitvy z prośbaj razhledzieć mahčymaść ustalavańnia na Hrunvaldskim poli histaryčnaha bieł-čyrvona-biełaha ściaha. Takim čynam jana padtrymała hramadskuju inicyjatyvu biełarusaŭ, pad jakoj užo sabrana kala tysiačy podpisaŭ biełaruskich palitykaŭ, kulturnych i hramadskich dziejačaŭ, historykaŭ i aktyvistaŭ.
U svaim liście Cichanoŭskaja adznačyła, što Hrunvaldskaja bitva — heta supolnaja spadčyna palakaŭ, biełarusaŭ, litoŭcaŭ, ukraincaŭ i inšych narodaŭ, jakija razam abaraniali svabodu.
Dla biełarusaŭ heta adna z klučavych dat nacyjanalnaj historyi, a bieł-čyrvona-bieły ściah simvalizuje histaryčnuju pierajemnaść biełaruskaj dziaržaŭnaści i sučasnuju baraćbu za svabodu.
«Kožny hod sotni biełarusaŭ pryjazdžajuć na Hrunvaldskaje pole, kab ušanavać hetuju pieramohu. Na žal, u samoj Biełarusi ŭłady metanakiravana vyciskajuć pamiać pra Hrunvaldskuju bitvu i zamianiajuć jaje rasijskimi histaryčnymi naratyvami. Tamu tak važna zachavać hetaje miesca jak simvał našaj ahulnaj jeŭrapiejskaj historyi», — adznačyła Cichanoŭskaja.
U Ofisie razumiejuć, što sioleta realizavać takuju inicyjatyvu ŭžo praktyčna niemahčyma. Adnak my spadziajomsia, što miascovyja ŭłady i arhanizatary śviatkavańniaŭ zmohuć razhledzieć hetuju prapanovu pry padrychtoŭcy nastupnych uhodkaŭ Hrunvaldskaj bitvy.