Karotki damien Telegram pierastaŭ pracavać pa ŭsim śviecie
Duraŭ: «Hej, pahladzicie ŭ čym sprava?»
Karotki adras Telegram pierastaŭ pracavać pa ŭsim śviecie paśla taho, jak apieratar čarnahorskaj damiennaj zony.me prysvoiŭ jamu status serverHold. Pa danych servisu Whois, damien t.me byŭ vyklučany ź sistemy DNS 13 lipienia.
U vyniku spasyłki na kanały, publikacyi i profili pierastali adčyniacca ŭ braŭzery i nia pieranakiroŭvajuć karystalnikaŭ u dadatak.
Pry hetym unutry samoha Telegram spasyłki farmatu t.me praciahvajuć pracavać. Mieśsiendžar pačaŭ aŭtamatyčna zamianiać ich na telegram.me pry kapijavańni. Pryčyny abmiežavańniaŭ nieviadomyja. Administrataram nacyjanalnaj damiennaj zony Čarnahoryi źjaŭlajecca ŭrad krainy, a rehistracyjnyja pasłuhi vykonvaje rejestr Domain.me.
Situacyja stała niečakanaściu dla zasnavalnika Telegram Paŭła Durava.
Jon publična źviarnuŭsia da rehistratara Domain.me u X: «Hej, @domainME, spasyłki t.me pierastali pracavać. Pahladzicie, u čym sprava?», piša Moscow Times.