Polšča bolš nie płanuje pieradavać rakiety Patriot Ukrainie
Donald Tusk patłumačyŭ, čamu.
Zdymak ilustracyjny. Fota: AP / Mindaugas Kulbis
Polšča pakul nie maje namieru pieradavać Ukrainie dadatkovyja rakiety Patriot. Pra heta zajaviŭ premjer-ministr krainy Donald Tusk paśla sustrečy lidaraŭ «kaalicyi achvočych» u Paryžy, piša UNIAN sa spasyłkaj na rp.pl.
Tusk zajaviŭ, što ŭ Polščy «niama vialikich zapasaŭ» hetych rakiet.
«Vy taksama zaŭvažyli rezanans, jaki vyklikała naša rašeńnie ab pieradačy piaci rakiet Patriot, całkam uzhodnienaje z NATA i amierykancami… My pakul nie płanujem takoha achviaravańnia», — zajaviŭ jon.
Premjer-ministr Polščy taksama zajaviŭ, što nie čakaje chutkaha zakančeńnia vajny i što eskałacyja budzie praciahvacca jak minimum da zimy.
Razam z tym Tusk padkreśliŭ, što pakul jon zastajecca na pasadzie premjera, Polšča budzie aktyŭna ŭdzielničać u akazańni dapamohi Ukrainie ŭ baraćbie z Rasijaj.
Adkazvajučy na pytańnie, čamu Polšča nie dałučyłasia da antybalistyčnaj kaalicyi jeŭrapiejskich krain razam z Ukrainaj, Tusk skazaŭ, što polskija kampanii pakul aceńvajuć svaje mahčymaści.
«Kaalicyja adkrytaja; kali budzie hatova pramysłovaja prapanova ad polskich kampanij, my dałučymsia da hetaj kaalicyi», — zajaviŭ premjer-ministr.