U Dziarečynie zatrymali katalickaha śviatara
«Haradzienskaj pravaabaronie» stała viadoma, što dniami zatrymali katalickaha śviatara Juryja Hrycko. Zdaryłasia heta ŭ miastečku Dziarečyn Zelvienskaha rajona, u parafii jakoha słužyć ksiondz.
Juryj Hrycko
Miascovyja ŭłady patelefanavali śviataru ŭ čaćvier, 9 lipienia, i skazali pryjechać u sielsaviet. Kali ksiondz pryjechaŭ tudy da 17‑j hadziny, tam jaho čakali milicyjaniery. Śviatar byŭ zatrymany, a ruki jamu zaščapili kajdankami. Paśla taho Juryja Hrycko pavieźli ŭ pastarunak, a mašyna jaho zastałasia stajać pry sielsaviecie.
Na nastupny dzień, u piatnicu 10 lipienia, Hrycko asudzili da aryštu na 15 sutak. Pavodle jakoj spravy zatrymany śviatar — pakul nieviadoma.
Čytajcie taksama:
Na Biełaruskim radyjo biez papiaredžańnia pierastali tranślavać katalickuju imšu
Hreka-katalickaha śviatara ź Ivacevičaŭ asudzili za Hajuna
Z fondu Łukašenki vydzielili hrošy na restaŭracyju dvuch chramaŭ