Miortvy zajac prypyniŭ pracu aeraporta ŭ Drezdenie
U aeraporcie Drezdena napiaredadni ŭviečary na paŭhadziny zakryvali ŭźlotna-pasadačnuju pałasu praź miortvaha zajca. Nievialiki samalot źbiŭ žyviolinu padčas pasadki kala 20:00, piša Bild.
Fota: Sebastian Kahnert/picture alliance via Getty Images
Samalot nie byŭ paškodžany i paźniej zmoh praciahnuć palot, adnak aeraport byŭ abaviazany pravieści pravierku pałasy.
«Uźlotna-pasadačnuju pałasu nieabchodna było pravieryć na najaŭnaść starońnich pradmietaŭ», — skazaŭ pradstaŭnik aeraporta Uvie Šuchart.
Pavodle jaho słoŭ, pałasa była zakryta z 20:10 da 20:40. Za hety čas pažarnyja prybrali z pakryćcia reštki žyvioliny.
Z-za incydentu dva samaloty — Cessna z Hanoviera i rejs Vueling z Barsiełony — kala paŭhadziny kružyli ŭ pavietry ŭ čakańni pasadki. Rejs ź Ciurycha pieranakiravali ŭ Lejpcyh: u Airbus A220 mahło nie chapić paliva dla dalejšaha čakańnia.