Film pra Majkła Džeksana staŭ pieršym u historyi bajopikam, jaki sabraŭ u prakacie miljard dalaraŭ
Film «Majkł» praciahvaje stavić novyja kasavyja rekordy.
Fota: Ebrahim Noroozi / AP
Zbory karciny ŭ suśvietnym prakacie ŭžo pieravysili miljard dalaraŭ. Stužka stała pieršym bijahrafičnym filmam, jaki dasiahnuŭ takich vysokich kasavych zboraŭ
Raniej samym kasavym bajopikam byŭ «Opienhiejmier» Krystafiera Nołana, jaki zarabiŭ 975 młn dalaraŭ va ŭsim śviecie.
«Majkł» taksama zastajecca druhim pa kasavych zborach filmam 2026 hoda, sastupajučy tolki animacyjnaj stužcy «Supier Marya: Hałaktyčnaje kino».
Karcina režysiora Antuana Fukua raskazvaje pra tvorčy šlach Majkła Džeksana ad vystupleńniaŭ u składzie Jackson 5 da statusu «karala pop-muzyki». Hałoŭnuju rolu vykanaŭ plamieńnik śpievaka Džaafar Džeksan, a siamja Džeksanaŭ častkova finansavała zdymki.
Film krytyki nazyvajuć vielmi saładžavym. U im całkam abychodziać pytańnie seksualizavanaha hvałtu nad dziećmi, što zakidali Majkłu Džeksanu.
Čytajcie taksama:
Najlepšyja sieryjały hoda: abvieščany naminanty premii «Emi-2026»