Damy «Minsk-Śviet» znoŭ zaliło: vada strumieniami padała sa stoli, vybiła lampy
U łobi treba było chadzić u botach.
Patop u damach «Minsk-Śviet». Skrynšoty videa
U Minsku 11 lipienia prajšła mocnaja zaleva. Asabliva zakranuła kvartał «Minsk-Śviet», damy «Sałoniki» i «Sinhapur». Na videa, jakija publikuje «Anłajnier» bačna, jak sa stoli paliłasia vada.
Na kadrach padjezd pieršaha paviercha doma «Sałoniki»: strumieni vady sa stoli zaŭvažnyja ŭ niekalkich miescach, taksama bačna lampa, jakaja padaje.
A heta videa z doma «Sinhapur»:
Situacyju prakamientavali pradstaŭniki ŽK «Minsk-Śviet».
«Siońnia ŭ vyniku anamalna mocnaj zalevy ŭ asobnych učastkach kompleksu byli zafiksavanyja łakalnyja padtapleńni daroh, a taksama adbyłosia zalićcio łobi žyłoha doma, — havorycca ŭ adkazie.
Adrazu paśla pastupleńnia infarmacyi na miesca prybyli śpiecyjalisty kiroŭnaj arhanizacyi TAA «Chepi Płeniet». Dla vyjaŭleńnia pryčyny zalićcia było vykanana ŭskryćcio azdablenčaha słoja stolevaha pierakryćcia. Pa jaho vynikach vyznačana, što pryčynaj stała vyciskańnie złučeńnia trubapravoda ŭnutranaj liŭnievaj sistemy praz napor, jaki ŭźnik u vonkavaj sistemie liŭnievaj kanalizacyi padčas intensiŭnych apadkaŭ.
Śpiecyjalisty kirujučaj arhanizacyi vykanali adnaŭlenčyja raboty paškodžanaha ŭčastka ŭnutranaj liŭnievaj sistemy žyłoha doma. Ciapier praciahvajucca raboty pa likvidacyi nastupstvaŭ zalićcia».