Futbalist zbornaj Biełarusi moža praciahnuć karjeru ŭ Narviehii
25‑hadovy biełaruski forvard Uładzisłaŭ Marozaŭ źbirajecca praciahnuć svaju karjeru ŭ čempijanacie Narviehii, paviedamiŭ vydańniu «Anłajnier» pradstaŭnik futbalista Valeryj Rusiecki.
Uładzisłaŭ Marozaŭ
Pa słovach Rusieckaha, cikavaść da Uładzisłava Marozava prajaŭlajuć adrazu niekalki jeŭrapiejskich kłubaŭ, pieravažna sa Skandynavii. Najbolš kankretnuju zacikaŭlenaść vykazvaje narviežski kłub «Start» z Kryścijansana.
Paśla piacihadovaha pierapynku «Start» viarnuŭsia ŭ najmacniejšy dyvizijon krainy, adnak pakul zajmaje apošniaje, 16‑ie miesca ŭ turnirnaj tablicy.
Paviedamlajecca, što kłuby ŭžo pačali pieramovy pra mahčymyja tranśfiery. Sam Uładzisłaŭ Marozaŭ taksama nie suprać praciahnuć karjeru ŭ Narviehii.
Ciapier vychavaniec bresckaha futboła naležyć partuhalskamu kłubu «Aroka», ale ŭ im samim hulaŭ mała. Apošni hod jon pravioŭ u dackim kłubie «Kolinhs», jakomu byŭ zdadzieny ŭ arendu. Za jaho Marozaŭ zabiŭ 10 hałoŭ u 21 matčy, staŭšy najlepšym bambardziram kłuba.
Čytajcie taksama:
Siamju biełaruskaha futbolnaha arbitra napatkała niečakanaja biada: ciažkaja chvaroba maleńkaha syna
«MŁ Viciebsk» startavaŭ u jeŭrakubkach z razhromnaj parazy
«U majoj karjery takoje — upieršyniu». Z futbolnaha kłuba «Minsk» niečakana ŭciok małady futbalist