Łukašenka zahadaŭ, kab byłych siłavikoŭ, ratavalnikaŭ i dypłamataŭ, zvolnienych «pa dyskredytujučych», adsočvali piać hadoŭ
Buduć pilnavać, ci nie zaniali jany «kiraŭničyja pasady» ŭ dziaržaŭnaj ci navat pryvatnaj arhanizacyi.
Alaksandr Łukašenka padpisaŭ ukaz № 230 «Ab pytańniach prachodžańnia vajennaj słužby, słužby ŭ vajenizavanych arhanizacyjach». Dakumient apublikavany na Nacyjanalnym pravavym internet-partale 11 lipienia i ŭstupiŭ u siłu adrazu paśla aficyjnaha apublikavańnia.
Ministerstva abarony, orhany ŭnutranych spraŭ, Śledčy kamitet, orhany finansavych rasśledavańniaŭ KDK, dypłamatyčnaja słužba, orhany pa nadzvyčajnych situacyjach ciapier abaviazany nie radziej za dva razy na hod adsočvać pracaŭładkavańnie asob, zvolnienych z vajennych pasad i pasad načalnickaha składu «pa dyskredytujučych abstavinach». Manitorynh doŭžycca piać hadoŭ z dnia zvalnieńnia.
Kali vyjavicca, što taki čałaviek zaniaŭ kirujučuju pasadu ŭ dziaržaŭnaj ci pryvatnaj arhanizacyi, infarmacyja nakiroŭvajecca ŭ miascovyja vykankamy «dla pryniaćcia mier reahavańnia ŭ adpaviednaści z zakanadaŭstvam». Praŭda, u samim ukazie nie prapisvajecca pramaja zabarona na pracaŭładkavańnie — tolki miechanizm adsočvańnia i paviedamleńnia ŭładam. Što jany buduć rabić z takoj infarmacyjaj, niezrazumieła.