70‑hadovuju minčanku asudzili za «abrazu Łukašenki» i «raspalvańnie varožaści»
Ninie Hniadźko prysudzili chatniuju chimiju.
Nina Hniadźko. Fota ź jaje staronki ŭ «Adnakłaśnikach»
Ninie Hniadźko 70 hadoŭ. Jana minčanka. Raniej zajmałasia pradprymalnictvam, ciapier na piensii.
Jaje asudzili ŭ Minskim haradskim sudzie pavodle častki 1 artykuła 130 («raspalvańnie varožaści») i častki 1 artykuła 368 («abraza Łukašenki») Kryminalnaha kodeksa.
Detali spravy zastajucca nieviadomymi, ale zvyčajna pa takich artykułach biełarusaŭ sudziać za vykazvańni i kamientary palityčnaha charaktaru ŭ internecie. Ninie prysudzili chatniuju chimiju.
«Ekstremizmam» ułady Biełarusi ličać padpiski na niezaležnyja kanały, ŚMI, najaŭnaść spasyłak na ich u sacyjalnych sietkach ci najaŭnaść u sacsietkach abo na rečach biełaruskaj nacyjanalnaj, dałukašenkaŭskaj simvoliki. Da «ekstremizmu» zaličvajuć taksama praktyčna ŭsialakuju krytyku ŭładaŭ, aficyjnych histaryčnych naratyvaŭ ci prajavy salidarnaści z Ukrainaj.
Pavodle padlikaŭ abjadnańnia siłavikoŭ «Biełpoł» i pravaabaroncaŭ, viadomyja imiony 9594 ludziej, jakija padpali pad palityčna matyvavanyja kryminalnyja spravy. Usiaho tyja ci inšyja palityčnyja represii (kryminałki, administratyŭki, zvalnieńni, pieratrusy) začapili kala 500 tysiač biełarusaŭ. Niekalki socień tysiač ludziej vymušanyja byli pakinuć krainu.
Čytajcie taksama:
Minčanku, jakaja dapamahała šukać zhublenych žyvioł, asudzili za palityku
Maładoha školnaha nastaŭnika z Mazyra asudzili pa palityčnym artykule