Italija vysyłaje za špijanaž dvuch rasijskich vajskovych ataše

Jak paviedamiŭ ministr zamiežnych spraŭ Italii Antonia Tajani, rasijskija vajskovyja ataše ŭ hetaj krainie Ivan Harbačoŭ i Michaił Astachaŭ pavinny pakinuć krainu na praciahu troch dzion. Takoje rašeńnie pryniata paśla rasśledavańnia, praviedzienaha prakuraturaj Ryma.

Pasolstva Rasii ŭ Italii. Fota: facebook.com/ambrusitalia

Pavodle słoŭ Antonia Tajani, Rasija praciahvaje vykarystoŭvać hibrydnyja mietady suprać zachodnich krain, u tym liku Italii, što źjaŭlajecca surjoznym i nieprymalnym umiašańniem u dziejnaść dziaržaŭnych instytutaŭ i pahrozaj nacyjanalnaj biaśpiecy.

Rašeńnie ab vysyłcy było pryniata paśla taho, jak u Rymie zatrymali dvuch byłych supracoŭnikaŭ italjanskich śpiecsłužbaŭ pa padazreńni ŭ pieradačy sakretnaj infarmacyi čałavieku, jakoha ličać ahientam rasijskaj raźviedki i jaki karystajecca dypłamatyčnym imunitetam.

Kamientary da artykuła