Stała viadomaja pryčyna niadaŭniaha pažaru ŭ centry Minska
Śledčy kamitet nazvaŭ pryčynu bujnoha pažaru ŭ žyłym domie na vulicy Lenina, 9 u Minsku.
Fota: Śledčy kamitet
«Pa vynikach praviedzienaj pravierki ŭstanoŭlena, što pryčynaj uźniknieńnia pažaru stała parušeńnie patrabavańniaŭ pažarnaj biaśpieki, u tym liku pry vykarystańni elektryčnych sietak i elektrapryboraŭ», — zajavili ŭ Śledčym kamitecie.
Pažar uspychnuŭ uviečary 28 červienia na mansardnym paviersie i chutka raspaŭsiudziŭsia, paškodziŭšy pamiaškańni. U vyniku byli źniščanyja i paškodžanyja majomaść dziaržaŭnych orhanaŭ, a taksama fizičnych i jurydyčnych asob. Papiarednie pamier škody aceńvajecca nie mienš jak u 450 tysiač rubloŭ.
Fota: Śledčy kamitet
Pa fakcie zdareńnia Leninski rajonny adździeł Śledčaha kamiteta zavioŭ kryminalnuju spravu za parušeńnie patrabavańniaŭ pažarnaj biaśpieki, jakoje pa nieaściarožnaści pryviało da pryčynieńnia škody ŭ bujnym pamiery.
Śledčyja praciahvajuć vyśviatlać usie abstaviny zdareńnia, u tym liku ŭstanaŭlivajuć asob, jakija mohuć być datyčnyja da ŭźniknieńnia pažaru, a taksama kančatkovy pamier naniesienaj škody.
Čytajcie taksama:
Paciarpieły ad pažaru dom u centry Minska nakryli časovym dacham i paskarajuć kapitalny ramont
Biełarusy ŭsim Threads prapanujuć dapamohu paciarpiełym žycharam Lenina, 9
Voś jak vyhladaje dach doma na vulicy Lenina ŭ Minsku paśla vialikaha pažaru FOTAFAKT
Pažar patušyli, ale kvatery zalili. Śpiecyjalisty pra toje, jak acanić škodu
Jak vyhladajuć kvatery ŭ domie ŭ centry Minska paśla pažaru FOTY, VIDEA