Čynoŭniki paličyli słohan Hrodzienskaha miasakambinata parušeńniem zakona
Ministerstva antymanapolnaha rehulavańnia i handlu apublikavała spravazdaču ab parušeńniach u śfiery rekłamy. Pad pryceł viedamstva patrapiŭ słohan Hrodzienskaha miasakambinata.
Pavodle acenki MARH, farmuloŭka «My ŭ topie — i heta nazaŭždy!» stvarała ŭ spažyŭcoŭ uražańnie biezumoŭnaj pieravahi pradukcyi hetaha kambinata nad inšymi vytvorcami.
Pradstaŭniki pradpryjemstva sprabavali apraŭdacca tym, što vyraz źjaŭlajecca ich aficyjna zarehistravanym tavarnym znakam. Adnak u ministerstvie padkreślili, što hety fakt nie daje prava vykarystoŭvać rekłamnyja frazy, jakija «stvarajuć iluziju biezumoŭnaha lidarstva».