95‑hadovaja biełaruska stała zorkaj sacsietak dziakujučy busłu

Žycharka Bresckaj vobłaści niečakana dla siabie stała zorkaj instahrama. Piensijanierka zmahła pasiabravać ź dzikim busłom. Adpaviednaje videa vykłała praŭnučka žančyny Janina, piša Blizko.by.

Skrynšot ź videa

Dziaŭčyna raskazała, što jaje 95‑hadovaja prababula dała busłu mianušku Małyš i toj realna na jaje adhukajecca dy prylataje, kali pačuje imia. Žančyna kormić jaho kilkaj, jakuju kuplaje zamarožanaj u miascovaj kramie.

Aŭtarka videa adznačyła, što z-za suchoha nadvorja na bałotach ciapier mała ježy, tamu busłam ciažej šukać zdabyču i karmić ptušaniat. Tamu padkormka ad miascovych žycharoŭ haračym letam asabliva važnaja. Karystalniki sietki padtrymali žančynu:

«Heta vam nie kurej hadavać».

«U majoj babuli krumkač byŭ, jana jaho niejak vyratavała ad sabak, pieratrymała ŭ siabie, pakul jon adnaŭlaŭsia. Jon potym kožny hod da jaje prylataŭ».

«Pabolš by ŭ našym śviecie takich čułych sercaŭ, i žyć było b lahčej».

«U ruskich chatnija hadavancy miadźviedzi, u biełarusaŭ — busły».

Kamientary da artykuła