Harać NPZ u Saratavie i naftachimičny zavod u Nižniakamsku
U noč i ranicaj rasijski Tatarstan i šerah inšych abłaściej byli atakavany bieśpiłotnikami.
Pažar u Nižniakamsku
Mer Nižniakamska Radmir Bialajeŭ paćvierdziŭ ataku dronaŭ. U horadzie była ŭklučana sirena pavietranaj tryvohi, i ŭłady ŭviali režym bieśpiłotnaj niebiaśpieki.
Žychary Nižniakamska paviedamlajuć, što bačyli dym u rajonie miascovaha naftapierapracoŭčaha zavoda. Ukrainskija resursy zajaŭlajuć pra paśpiachovaje paražeńnie naftapierapracoŭčaha kompleksu «TANIEKA». Heta pradpryjemstva źjaŭlajecca adnym z najbujniejšych i samych sučasnych naftapierapracoŭčych kompleksaŭ u Rasii.
Akramia taho, ukrainski bok paviedamlaje pra ataku na NPZ u Saratavie i na vajskovy aeradrom PKS RF u Barysahlebsku, jaki vykarystoŭvajecca rasijskaj armijaj jak baza dla źniščalnaj i bambardzirovačnaj avijacyi.