MAK źniaŭ rekamiendacyi ab adchileńni Rasii ad mižnarodnych spartyŭnych spabornictvaŭ

Mižnarodny alimpijski kamitet (MAK) skasavaŭ svaje rekamiendacyi adnosna abmiežavańnia ŭdziełu rasijskich spartsmienaŭ u mižnarodnych spabornictvach. Adpaviednaje rašeńnie apublikavana na aficyjnym sajcie arhanizacyi.

Zdymak ilustracyjny. Fota: Maja Hitij/Getty Image

Ciapier kožnaja mižnarodnaja spartyŭnaja fiederacyja budzie samastojna vyrašać pytańnie ab dopusku rasijskich spartsmienaŭ i vyznačać umovy ich udziełu. Rekamiendacyi MAK pa hetym pytańni bolš nie dziejničajuć.

Razam z tym rašeńnie pra mahčymaje vystupleńnie rasijskich spartsmienaŭ na Alimpijskich hulniach pad nacyjanalnym ściaham, himnam i inšaj dziaržaŭnaj simvolikaj budzie pryniata paźniej.

Taksama MAK časova adnaviŭ u pravach Alimpijski kamitet Rasii. Heta aznačaje, što pytańnie praviadzieńnia mižnarodnych spabornictvaŭ na terytoryi Rasii ciapier budzie vyrašacca asobnymi mižnarodnymi fiederacyjami. Sam ža MAK nie budzie pravodzić svaje mierapryjemstvy ŭ Rasii i nie budzie zaprašać rasijskich dziaržaŭnych słužbovych asob na aficyjnyja padziei arhanizacyi.

MAK atrymaŭ zapeŭnieńni, što Alimpijski kamitet Rasii nie budzie ŭklučać u svoj skład rehijanalnyja spartyŭnyja arhanizacyi z terytoryj, jakija znachodziacca pad jurysdykcyjaj Nacyjanalnaha alimpijskaha kamiteta Ukrainy.

Usie rasijskija spartsmieny, jakija viartajucca da mižnarodnych spabornictvaŭ, pavinny adpaviadać antydopinhavym patrabavańniam i prajści šmatrazovaje testavańnie pierad viartańniem.

Dva miesiacy tamu, 7 maja, anałahičnaje rašeńnie było pryniata adnosna spartsmienaŭ ź Biełarusi.

Kamientary da artykuła