Nadakučyli vosy? Advadzić ich dapamoža zvyčajny papiarovy pakiet
Jak heta pracuje?
Fota: Soey Studio / vecteezy.com
Pra nieardynarny i efiektyŭny sposab advadzić vos raskazvaje Focus.de.
Treba zrabić imitacyju asinaha hniazda sa zvyčajnaha papiarovaha pakieta. Dla hetaha dastatkova ŭziać karyčnievy abo šery papiarovy pakiet, mocna jaho źmiać, nadaŭšy formu, jakaja budzie nahadvać hniazdo, i paviesić kala miesca, dzie ludzi jaduć abo adpačyvajuć.
Ideja ŭ tym, što takaja kanstrukcyja moža vyhladać dla vos jak užo zaniataje hniazdo. Ličycca, što heta prymusić častku nasiakomych šukać inšaje miesca.
Papiarovy miašok, jaki imituje asinaje hniazdo. Skryn videa: chip.de
Kali raźmiaścić takuju imitacyju zahadzia, jana taksama moža pieraškodzić vosam pabudavać hniazdo kala doma abo ŭ sadzie.
Kali vosy asabliva nastojliva naviedvajuć vas, možna pasprabavać vykarystoŭvać adrazu niekalki mietadaŭ. Naprykład, u dadatak da papiarovaha miaška možna pastavić na stoł raślinu baziliku, vakoł miesca, dzie jaduć, raskłaści skryliki limona, a na niekatoraj adlehłaści pakłaści krychu sałodkaj sadaviny, naprykład, hronku vinahradu.
Vosy — važnaja častka ekasistemy. Tamu śpiecyjalisty rajać spačatku vykarystoŭvać biaśpiečnyja sposaby, jakija dazvalajuć prosta advadzić nasiakomych, a nie źniščać ich.
Čytajcie taksama:
Siezon vosaŭ u razhary. Voś jak ich advadzić
Minčanku ŭ śniežni ŭdžaliła asa. Navukoviec rastłumačyŭ, jak takoje mahčyma