Zialenski: Łukašenka zajšoŭ u kazino nie ŭ toj dzień
Alaksandr Łukašenka pastaviŭ na toje, što Rasija zachopić Ukrainu, ale nie zmoh sarvać džekpot. Tak vykazaŭsia prezident Ukrainy Uładzimir Zialenski ŭ intervju dla Financial Times.
Fota: Alexander Kazakov Sputnik, Kremlin Pool Photo via AP
Pavodle jaho słoŭ, u vajnie Rasii suprać Ukrainy Łukašenka zrabiŭ staŭku na «ŭsio abo ničoha», ale zamiest hetaha pastaviŭ na kartu svaju reputacyju i davier da siabie.
«Jon zajšoŭ u kazino nie ŭ toj dzień. Jon byŭ upeŭnieny, što sarvie džekpot. Ale jon ničoha nie sarvaŭ», — ličyć Zialenski.
Adnak, kaža jon, u toj ža čas Łukašenka, u adroźnieńnie ad rasijskaha prezidenta Uładzimira Pucina, «całkam razumieje ŭsie ryzyki».
«Kali ty viedaješ, što vajna nie vyjhranaja, i ciabie raptam jašče bolš uciahvajuć u hetuju vajnu jak sajuźnika… Što ž, u jaho dastatkova zdarovaha sensu, kab zrazumieć, što jaho nie varta ŭ heta ŭciahvać», — ličyć prezident Ukrainy.