«Zbaŭ ciabie Hospad!» U Hrodnie 17‑hadovy Dzianis uratavaŭ svajho adnahrupnika
Navučeniec Politechničnaha kaledža nie raźličyŭ siłaŭ i zapłyŭ na Jubilejnym voziery zadaloka.
Hrodna, adpačynak na voziery. Ilustracyjnaje fota z sacsietak
Prykładna za 20 mietraŭ ad bieraha Raman Bombir pačaŭ kryčać «Ratujcie! Tanu!»
Jahony adnahrupnik z Politechničnaha kaledža Dzianis Maciuk nie razhubiŭsia, padpłyŭ da siabra, samastojna vyvałak jaho na bierah. A paśla padpłyli i ratavalniki z Tavarystva ratavańnia na vodach. Chto viedaje, ci paśpieli b jany ŭčasna, kali b nie reakcyja Dzianisa.
17‑hadovy navučeniec Politechničnaha kaledža Dzianis Maciuk uratavaŭ tavaryša. Fota Hrodzienskaja praŭda
«Dzianisie, vielmi tabie pa-maciarynsku dziakuju, — napisała ŭ instahramie mama Ramana Kaciaryna Bombir. — Ja ŭdziačnaja tabie za mužnaść i śmiełaść, za tvoj hieraičny ŭčynak! Ja ŭdziačnaja tabie za vyratavańnie našaha syna! Ty prykład dla mnohich, na ciabie treba raŭniacca nie tolki adnahodkam, ale i starejšamu pakaleńniu! Zbaŭ ciabie Hospad!» — piša jana.