Minski paśladoŭnik Nikoły Tesły prypajaŭ 10 batarejek da elektrasamakata — i spaliŭ kvateru
Zdareńnie adbyłosia jašče pry kancy maja ŭ adnoj z kvater. Adbyŭsia mocny pažar u kvatery.
U vyniku patreskałasia škło ŭ aknie, apłaviŭsia PVCH-padvakońnik, častkova vyhareli špalery, byŭ paškodžany łaminat, a taksama abvuhliŭsia karkas łožka, paviedamiŭ Dziaržkamitet sudovych ekśpiertyz.
Jak vyśvietliłasia paźniej, minčanin vyrašyŭ samastojna madernizavać akumulatar svajho elektrasamakata paśla prahladu videa ŭ internecie.
Kab pavialičyć jomistaść akumulatarnaj batarei, jon dadaŭ da asnoŭnaha akumulatara jašče 10 batarejek i złučyŭ ich pamiž saboj pry dapamozie pajalnika.
Paśla zaviaršeńnia ŭsich rabot i pry ŭstalavańni batarei ŭ korpus pačałosia iskreńnie, a zatym uspychnuła adkrytaje połymia, jakoje samastojna patušyć nie ŭdałosia.