Biełaruskim i rasijskim lohkaatletam padoŭžyli adchileńnie ad spabornictvaŭ
Suśvietnaja asacyjacyja lohkaj atletyki (World Athletics) padoŭžyła adchileńnie rasijskich i biełaruskich spartsmienaŭ. Takoje rašeńnie było pryniata pa vynikach pasiadžeńnia Rady arhanizacyi, jakoje prajšło 3 lipienia ŭ farmacie videakanfierencyi, piša Sports.ru.
Fota: Minsk-naviny
Rada paćvierdziła svajo rašeńnie, pryniataje ŭ sakaviku 2022 hoda, pierahledžanaje ŭ 2023 i 2025 hadach i paŭtorna razhledžanaje ŭ sakaviku 2026 hoda, ab adchileńni rasijskich i biełaruskich spartsmienaŭ, aficyjnych asob i absłuhovaha piersanału ad mižnarodnych spabornictvaŭ.
Prezident Siebaśćian Koŭ zajaviŭ: «My pakazali Radzie mahčymyja varyjanty dla razhladu hetaha pytańnia. Adnak pieršapačatkovaje rašeńnie ab sankcyjach, jakija abaraniajuć sumlennaść i čyściniu našych spabornictvaŭ, zastajecca ŭ sile, pakolki nie adbyłosia nijakaha realnaha prahresu ŭ kirunku mirnych pieramovaŭ», — havorycca ŭ pres-relizie arhanizacyi.
Biełaruskija i rasijskija spartoŭcy adchilenyja ad mižnarodnych spabornictvaŭ z sakavika 2022 hoda paśla pačatku poŭnamaštabnaha ŭvarvańnia va Ukrainu.
Biełaruski bok prasiŭ razhledzieć pytańnie dopusku spartsmienaŭ da mižnarodnych turniraŭ, uklučajučy Alimpijskija hulni 2028 hoda ŭ Łos-Andželesie i junijorski čempijanat śvietu 2026 hoda ŭ Judžynie.