U Mahilovie na śviatłaforach adklučyli ŭsie tajmiery
Mahiloŭskaja DAI rasparadziłasia adklučyć tajmiery na haradskich śviatłaforach, paviedamiła dziaržteleradyjokampanija «Mahiloŭ». Pryčynaj nazyvajecca toje, što tajmiery nibyta stvarajuć prablemy piešachodam i kiroŭcam i pavialičvajuć mahčymaść avaryi, vyklikajučy «efiekt apošniaj siekundy».
Fota ilustracyjnaje
Ciapier tajmiery na śviatłaforach adklučanyja pa ŭsim Mahilovie, a arhumientujuć heta tak:
«Kiroŭcy, bačačy, što da źmieny sihnału zastałasia siekunda, pačynajuć paskaracca, kab paśpieć prajechać skryžavańnie. Piešachody, naadvarot, vybiahajuć na prajeznuju častku, kali da čyrvonaha zastajecca 2—3 siekundy. Dziaržaŭtainśpiekcyja prosić z razumieńniem pastavicca ŭdzielnikaŭ darožnaha ruchu da hetaj miery, bo jana raźličana na pavyšeńnie vašaj biaśpieki», — paviedamiła inśpiektarka adździaleńnia ahitacyi i prapahandy DAI UUS Mahiloŭskaha abłvykankama Alina Šviedava.
Čytajcie taksama:
U Minsku testujuć kvadratnyja śviatłafory
U Breście pastaviać ekśpierymientalnyja ŠI-śviatłafory
U Minsku 84‑hadovaja piensijanierka pabiehła na čyrvonaje śviatło i trapiła pad koły