Mašyna z rasijskimi čynoŭnikami padarvałasia na minie pad Kurskam
U mašynie byŭ kiraŭnik Rylskaha rajona Kurskaj vobłaści.
Miny, jakija spracavali dystancyjna. Fota: telehram-kanał Alaksandra Chinštejna
Na minie ŭ centry Rylska (horad u Kurskaj vobłaści) padarvałasia mašyna z supracoŭnikami administracyi Rylskaha rajona.
Vybuchovaja pryłada spracavała dystancyjna, paviedamiŭ hubiernatar Kurskaj vobłaści Alaksandr Chinštejn. U vyniku paranieny kiraŭnik rajona Uładzimir Kavalčuk: u jaho minna-vybuchovaja traŭma, ślapyja askołačnyja ranieńni noh.
Za rulom aŭtamabila znachodziŭsia dyrektar upraŭleńnia haspadarčaha absłuhoŭvańnia Siarhiej Biasiedzin. U mužčyny niepranikalnaje ranieńnie žyvata, askołkami paškodžana ściahno.
Miny, jakija spracavali dystancyjna. Fota: telehram-kanał Alaksandra Chinštejna
Na hanku padčas vybuchu stajali jašče dva supracoŭniki miascovaj administracyi. Ad vybuchovaj chvali atrymali jany kantuziju hałaŭnoha mozha i ślapyja askołačnyja ranieńni ruk i noh.
Usich pavieźli ŭ balnicy. Terytoryju vybuchu ačapili.