Kolkaść zahinułych u Kijevie vyrasła da 13 čałaviek
Niekalki dziasiatkaŭ paranienyja.
Fota: DSNS
U vyniku masiravanaj rasijskaj ataki pa Ukrainie ŭ Kijevie zafiksavany značnyja razbureńni, jość zahinułyja i dziasiatki paranienych, pry hetym kolkaść achviar praciahvaje raści.
Pavodle ministra ŭnutranych spraŭ Ukrainy Ihara Klimienki, užo viadoma pra 13 zahinułych.
Jon dadaŭ, što ŭ Darnickim rajonie źniščana častka dzieviacipaviarchovaha žyłoha doma. Ratavalniki praciahvajuć debłakavać ludziej z-pad zavałaŭ, tamu kolkaść achviar, vierahodna, budzie pavialičvacca
Taksama ŭ Nacyjanalnaj palicyi ŭdakładnili, što siarod paciarpiełych — dvoje małaletnich dziaciej i supracoŭnik Dziaržaŭnaj słužby pa nadzvyčajnych situacyjach.
Usiaho ŭ Kijevie ŭ vyniku rasijskaha abstrełu paškodžanyja bolš za 20 žyłych damoŭ. Ratavalniki praciahvajuć pracu na 15 łakacyjach.