Ministerstva abarony Rasii zajaviła, što Ukraina ŭpieršyniu ŭžyła balistyčnuju rakietu vialikaj dalokaści
U zvodcy za minuły dzień rasijskaje Ministerstva abarony zhadała pra źbićcio niezvyčajnaj celi.
Fota ilustracyjnaje
«Srodkami supraćpavietranaj abarony źbityja 7 kiravanych avijacyjnych bombaŭ, apieratyŭna-taktyčnaja rakieta vialikaj dalokaści i 602 bieśpiłotnyja latalnyja aparaty samalotnaha typu», — paviedamiła rasijskaje Ministerstva abarony.
Možna mierkavać, što pad apieratyŭna-taktyčnaj rakietaj vialikaj dalokaści havorka idzie pra ŭkrainskuju balistyčnuju rakietu FP-9, adnosna jakoj dahetul ličyłasia, što jana znachodzicca ŭ stanie raspracoŭki. Ale ciapier, vierahodna, pryjšoŭ čas jaje testavaha vyprabavańnia.
Miesca, dzie adbyłosia hetaje źbićcio, nie nazyvajecca, ale pa ŭskosnych danych ekśpierty nazyvajuć Maskoŭskuju vobłaść. Jak śćviardžajecca, učora ŭ internecie źjaviłasia fota pierachopu nad joj celi, charakternaj dla vyšyni palotu balistyčnaj rakiety, a taksama varonka ad jaje.
Niekalki dzion tamu zasnavalnik i hałoŭny kanstruktar najbujniejšaj ukrainskaj vajskovaj kampanii Fire Point Dzianis Štylerman u intervju YouTube-kanału Pressing anansavaŭ pieršy zapusk balistyčnaj rakiety FP-9 u najbližejšy čas.
Čytajcie taksama:
Vialikaja hrupa ŭkrainskich dronaŭ zalacieła ŭ Rasiju praź Biełaruś
Ukraina ŭdaryła piaćciu «Fłaminha» pa zavodzie ŭ Vałhahradzie, dzie vyrablajuć «Arešnik»