Zahinuŭ 34‑hadovy Anton Arciamionak, składalnik słoŭnika biełaruskich futbolnych terminaŭ
Niekalki hadoŭ tamu pamior jaho baćka Hienadź Arciamionak, jaki 40 hadoŭ vykładaŭ biełaruskuju movu ŭ viciebskich univiersitetach
Anton Arciamionak. Fota: Vkurier
Pra hibiel Antona Arciamionka ŭ aŭtamabilnaj avaryi paviedamili jaho siabry.
Antonu było 34 hady. Jak minimum da kanca 2023 hoda jon pracavaŭ u Viciebskim abłasnym instytucie raźvićcia adukacyi, zajmaŭsia ź pierśpiektyŭnymi dziećmi. A pierad tym byŭ nastaŭnikam biełaruskaj movy i litaratury ŭ viciebskich škołach.
Anton Arciamionak
U svoj čas Anton Arciamionak raspracavaŭ słoŭnik biełaruskich futbolnych terminaŭ. Chłopiec zachaplaŭsia futbołam, byŭ aktyŭnym karystalnikam adpaviednych forumaŭ.
Čytajcie: Futbolny repartaž pa-biełarusku: słoŭnik terminaŭ
Baćka Antona Arciamionka — kandydat fiłałahičnych navuk Hienadź Arciamionak. U 1981‑2021 hadach jon vykładaŭ biełaruskuju movu — spačatku ŭ Viciebskim piedahahičnym, a paśla ŭ Viciebskim dziaržaŭnym univiersitecie. Hienadź Arciamionak pamior u 2021‑m hodzie, daśledčyku byŭ 61 hod.