Kazachstan pastavić u Rasiju kala 50 tysiač ton bienzinu ŭ jakaści humanitarnaj dapamohi
Jak paviedamlaje ahienctva Reuters, Kazachstan u lipieni i žniŭni pradaść Rasii kala 50 tysiač ton bienzinu. Krynicy ŭ halinie adznačajuć, što pastaŭki mohuć być aformlenyja jak «humanitarnaja dapamoha».
Zdymak ilustracyjny. Fota: «Naša Niva»
Pry hetym u paviedamleńni padkreślivajecca, što ŭ letni pieryjad popyt na paliva ŭ Rasii vielmi vysoki i składaje prykładna 110 tysiač ton u sutki.
Na hetym fonie abjom, jaki płanujecca atrymać z Kazachstana, dastatkovy tolki dla pakryćcia kala pałovy adnoj sutačnaj patreby krainy.
Raniej Reuters paviedamlaŭ, što raniej išli pieramovy pamiž Maskvoj i Astanoj pra mahčymuju kuplu 50 tysiač ton bienzinu marki AI-92.