Samazaniatyja ad siońnia pavinny płacić minimalny padatak na prafiesijny dachod
Što mianiajecca?
U Biełarusi z 1 lipienia minimalnaja suma padatku na prafiesijny dachod (PPD) składzie 45 rubloŭ u miesiac, dla piensijanieraŭ — 18 rubloŭ. Pieršy płaciož nieabchodna ŭnieści nie paźniej za 24 žniŭnia 2026 hoda, piša BiełTA.
«Kali vy nie ažyćciaŭlajecie dziejnaść, ale nie źnialisia z uliku, padatak budzie naličvacca štomiesiac. Kali praterminoŭka vypłaty składzie try miesiacy, padatkovy orhan spynić rehistracyju, što paciahnie ŭźniknieńnie zapazyčanaści ŭ pamiery 135 rubloŭ (dla piensijanieraŭ — 54 rubli). Zapazyčanaść budzie spahnana ŭ prymusovym paradku, u tym liku praz orhany prymusovaha vykanańnia», — adznačyli ŭ Ministerstvie pa padatkach i zborach.
Tamu tym, chto nie viadzie dziejnaść, varta svoječasova źniacca z uliku praz dadatak PPD (Nałady / Ulikovy zapis / Źniaćcie z uliku).
Jość šerah važnych niuansaŭ. Kali vy vydalili dadatak, ale nie źnialisia z uliku, nieabchodna spampavać jaho znoŭ i prajści praceduru źniaćcia. Kali zabylisia łahin abo parol, ich možna adnavić dystancyjna praz dadatak abo źviarnucca ŭ lubuju inśpiekcyju Ministerstva pa padatkach i zborach. Źniaćcie z uliku adbyvajecca imhnienna, a dataj źniaćcia ličycca data nakiravańnia zajavy.
Paśla źniaćcia z uliku dostup da prahramy zachavajecca, ale z abmiežavańniami — nielha budzie farmiravać čeki. Pry žadańni znoŭ stać na ŭlik možna budzie nie raniej za 1‑y dzień druhoha miesiaca, jaki nadychodzić paśla miesiaca spynieńnia prymianieńnia PPD.
Raniej u Ministerstvie finansaŭ rastłumačyli novy pryncyp. Naprykład, u žniŭni 2026 hoda płacielščyk PPD atrymaŭ dachod u pamiery 100 rubloŭ. Suma padatku pa staŭcy 10 % składzie 10 rubloŭ (100 rubloŭ × 10 %). Adnak da vypłaty budzie naličana 45 rubloŭ, pakolki 10 rubloŭ mienš za ŭstanoŭleny minimum.
«Heta ŭzmacnieńnie patrabavańniaŭ nakiravana na fizičnych asob, jakija farmalna ličacca samazaniatymi, i na zabieśpiačeńnie pastupovaha spraviadlivaha ŭdziełu samazaniatych u finansavańni dziaržaŭnych raschodaŭ. Prymianieńnie PPD spyniajecca ŭ vypadku niavypłaty padatku try razy zapar va ŭstanoŭlenyja terminy. Viarnucca da prymianieńnia PPD u takim vypadku možna budzie nie raniej čym praz šeść miesiacaŭ», — rastłumačyli ŭ Minfinie.