Rasija zakryła čyhunačnyja punkty propusku na miežach ź Finlandyjaj, Estonijaj i Łatvijaj. Pryčyna i namier pakul niajasnyja
Pavodle rašeńnia rasijskich uładaŭ, spyniajuć pracu punkty propusku na Finlandskim vakzale ŭ Sankt-Pieciarburhu, a taksama ŭ Vybarhu i Śvietłahorsku Leninhradskaj vobłaści, Viartsila i Lućcia ŭ Karelii, Piačorach i Pytałavie ŭ Pskoŭskaj vobłaści. Apošnija dva raźmieščanyja na miažy z Estonijaj i Łatvijaj.
Čyhunačnaja stancyja ŭ Pytałavie Pskoŭskaj vobłaści. Fota: Jandeks-Karty
Pry hetym faktyčna na praciahu apošnich dvuch hadoŭ ź pieraličanych čyhunačnych punktaŭ propusku dziejničali tolki Piačory i Pytałava. Astatnija ŭžo nie vykarystoŭvalisia, pakolki čyhunačnyja znosiny pamiž Rasijaj i Finlandyjaj byli spynienyja paśla taho, jak finskija ŭłady zakryli miažu z Rasijaj.
Takim čynam, novaje rašeńnie ŭ asnoŭnym jurydyčna zamacoŭvaje situacyju, jakaja ŭžo skłałasia na praktycy, choć dla punktaŭ na miažy z Estonijaj i Łatvijaj jano aznačaje aficyjnaje spynieńnie ich pracy.
Čytajcie taksama:
Prezident Finlandyi nie vieryć, što Pucin napadzie na Jeŭropu, i zaklikaje da pieramoŭ
Kiraŭnik MZS Estonii: Pucin choča, kab my spynili Ukrainu ad napadaŭ dronami, ale varta praciahvać